Algo que atraviesa. Desde, hacia, sobre, contra los Encuentros de Pamplona

Ikastaroa: urriak 4 eta 5.

Ikastaroak Iruñeko 72ko Topaketak hemendik eta orain zeharkatu nahi ditu. Topaketak goresten edo gaitzesten dituzten idolatria eta polemikez haratago, Topaketen mamua ukaezina da gertaeraren ondorengo Nafarroako artisten belaunaldi guztietan. Bada zerbait zehaztugabea, edo zehatzezina, Iruñeko Topaketak zeharkatzen dituena, mitoaren, asalduraren eta ezjakintasunaren arteko zerbait. Belaunaldien arteko zeharkaldia ere bada, garai desberdinetakoa, baina baita garai partekatuetakoa ere.

Bi egunez, hainbat belaunalditako artistek hartuko dute parte, Topaketek zer eragin izan zuten eta, gauden tokitik, gaur egun nola ikus ditzakegun hausnartzeko.  Artisten arteko elkarrizketen bidez, Topaketak zeharkatzen dituen zerbait hori eta, beraz, praktika artistikoa, gizarte-espazioa edo gorputzak ere zeharkatzen dituen zerbait hori zer den sumatu nahi da.

Informazio gehiago: https://www.unavarra.es/cultura/cursos-de-extension/cursos-de-otono?contentId=269844