Txinan jaio zen, eta ingeniaritza informatikoa eta filosofia ikasi zituen Hong Kongko Unibertsitatean eta Londresko Goldsmiths Collegen, teknologiaren filosofiaren ikuspegitik. Gaur egun, Weimarreko Bauhaus Unibertsitatean eta Hong Kongko Unibertsitateko Sorkuntza Bideen Eskolan irakasten du.
Ikertzaile elkartua izan zen Hedabideetako Kulturaren eta Estetikaren Institutuan (ICAM), doktoratu ondoko ikertzailea Parisko Pompidou Zentroko Ikerketa eta Berrikuntza Institutuan, eta zientzialari bisitaria Berlingo Deutsche Telekom Laborategietan. Filosofiako eta Teknologiako Ikerketa Sarea sortu zuen, ikerketak eta lankidetzak trukatzeko nazioarteko sare bat.
Huik hainbat komunikabidetan argitaratu ditu artikuluak: Research in Phenomenology, Metaphilosophy, Cahiers Simondon, Deleuze Studies, Implications Philosophiques, Techné, eta abarretan. Gaztelaniaz, Caja Negra argitaletxeak Fragmentar el futuro. Ensayos sobre tecnodiversidad (2020) eta Recursividad y contingencia (2022) argitaratu ditu.
Honako lan hauek idatzi ditu: 30 Years after Les Immatériaux: Art, Science and Theory (2015, Andreas Broeckmannekin batera), On the Existence of Digital Objects (2016), The Question Concerning Technology in China -An Essay in Cosmotechnics (2016), Recursivity and Contingency (2019) eta Art and Cosmotechnics (2021). Haren lanak dozena bat hizkuntzatara itzuli dituzte.
