Topaketa honetan galdera zentzuzkoenak planteatuko ditugu garaikidetasunean orientatzeko, beti gogoetatik abiatuta eta arteen indar ukaezinari, galderen zentzu errotikoenean murgiltzeko duten ahalmenari helduta.

Hona hemen proposamenen bristada bat: elkarrizketak, eztabaidak eta konferentziak, arte eszenikoak, erakusketak, musika garaikidea, tailerrak eta bitartekaritza jarduerak erakundeekin.

Iruñeak harritzeko gogoz dagoen oro hartuko du, munduaren azterketari bultzada argi eta bizia eman nahi dion oro.

Encuentros de Pamplona/Iruñeko Topaketak Nafarroako Gobernuak sustatu eta “la Caixa” fundazioaren  eta Iruñeko Udalaren laguntzarekin Baluarte fundazioak antolatutako kultura, arte eta pentsamenduaren nazioarteko bienala da. Programaren komisarioa Ramón Andrés pentsalari eta saiakeragilea da.

Egoitza nagusia Baluarte Nafarroako Batzar Jauregia eta Auditorioa dute (Iruñea), nahiz eta kultura eta arte jarduerak beste zentro batzuetara eta espazio publikora ere zabaltzen diren.

Encuentros de Pamplona/Iruñeko Topaketek Topaketen Eskola sustatzen dute, bienalari lotutako hezkuntza espazio bat, esperimentazioa, pentsamendua eta arte diziplinen gurutzaketa uztartzen dituena eta Nafarroa osoko ikastetxeetako haur eta gazteekin lan egiten duena.

Era berean, Topaketek Topaketen memoria artistikoa arte deialdia sustatzen dute, bienalaren programarekin lotura duten artelan berrien sorrera bultzatu eta finantzatzeko.