Artea sortzen duen artea

Artea jaiotzen den hori da. Sorrera da, hasiera bat eta hastapen bat. Errealitateaz ari den gorabehera, bakardadez, esturaz, traumaz, atsedenez, jolasez edo orekaz egina dagoen gorabehera, arteak ikuslea miresmenean murgiltzea sustatzen du, eta metamorfosiaren boterea esperimentatzera darama, edo, halaber, transgresioa bilatzen du, emandakoa zalantzan jartzea, misterioa susmatzeak eragiten duen lilura sentitzea eta, nola ez, gure zentzumenen eta gaizki ulertuen konplexutasunak eragiten duen lilura. Topaketek arte garaikidearen eremuko protagonista ukaezinak bilduko dituzte; haien lanek, begiratzen dituenaren esku utzita, lotura estuak proposatzen dituzte, neurri berean, poesiarekin, pentsamenduarekin eta sedukzioarekin.