Verde Prato

Tokiko folklorearen tradizioa oinarri hartuta, Verde Pratok abesti minimalistak aurkezten ditu, teklatua, bere ahotsa eta bere ahots eta gitarrarekin akustikoan aurrez grabatutako soinuak baliatuta, ñabardura eta a capellako une magikoz beteta.

Proposamen minimalista izan arren, Verde Pratok xehetasun txikiena ere zaintzen du. Ahots kolore oso berezia eskaintzen du, arinki baxua baina era askotako erregistroekin, denboran izoztuta geratu izan balitz bezala. Atmosfera inguratzaileenak sortzeko gai da, eta, gero, bere errepertorioko konposizio arinenera eramatekoa. 

Verde Pratok, gaztea izan arren, ikuskizun heldua eskaintzen du, eta segurtasun harrigarria erakusten du agertokian. Musikari gazteen labealdi berriko euskal solista interesgarri eta berezienetako bat da.