Musika da gehien aldatu den arteetako bat, batez ere XX. mendearen bigarren erdialdetik aurrera. Teknologia berrien iritsierak, musika elektroakustikoaren bilakaerak eta konposatzeko prozedura berrien aurkikuntzak errotik aldatu du musika garaikidearen arloa deiturikoa. Horri zor zaio bere hizkuntzaren aberastasuna eta bere proposamenen zabaltasuna, estetikoki zein ideologikoki, arestiko iragan bateko lanetatik urrun daudenak, eta orain soinua berriz pentsatzeko eta arte berri bat eraikitzeko aukera eskaintzen digutenak.