Zaragozan jaio zen, 1999an. 7 urte zituenean Zaragozako Musika Kontserbatorio Profesionalean sartu zen zango-biola ikasketak hasteko Fernando Marinekin. Zango-biola eta biolontxelo barrokoko goi mailako ikasketak Kataluniako Goi Mailako Musika Eskolan egin zituen, Emmanuel Balsarekin, eta kalifikazio maila altuenekin amaitu zituen.
Zango-biolako masterra Royal Conservatory of The Hague kontserbatorioan egin zuen, Mieneke van der Veldenek gidatuta, eta Cum Laude eta aipamen bereziarekin amaitu zuen. Zango-biola jotzaile ospetsuen aholkuak eta eskolak jaso ditu, horien artean aipagarri Bettina Hofmann, Guido Balestracci, Marianne Muller, Myriam Rignol, Noelia Reverte, Vittorio Ghielmi eta Wieland Kuijken. Eskaini dituen kontzertuen artean, nabarmentzekoak dira Otoño Barroco zikloan, Juan March Fundazioan, Segoviako eta Zaragozako Elkarte Filarmonikoen sasoiko kontzertuetan, Utrechteko Oude Muziek Jaialdian eta La Folle Journée Jaialdian eskainitako emanaldiak. Eta hainbat lehiaketatan saritu dute, hala nola 2020ko Espainiako Gazte Musikagileen Lehiaketan, eta 2021ean Lehenengo Palau Saria eman zioten Kataluniako Musika Jauregian egindako lehiaketan. Soinu Ondarearen arloko proiektuen zuzendaria da.
