Bakarlari eta ganbera musikari gisa, Alemania eta Europako areto nagusietara eraman dute behin eta berriz bere emanaldiek: Berlingo Filarmonikoa, Municheko Bayerischen Rundfunk, Hanburgoko Laeiszhalle, Zuricheko Tonhalle, Basileako Konzertgesellschaft, Bartzelonako Auditori eta Bukaresteko Ateneoa, besteak beste.
Pablo Barragánen jakin-minak interpretazio aurkikuntza berrietara eramaten du beti, eta orkestra ugarirekin aritu da: Basileako Sinfonieorchester, Hanburgoko Orkestra Sinfonikoa, Espainiako Irrati Telebistako Orkestra, Eslovakiako Filarmonikoa eta Ganbera Orkestra, Mazedoniako Orkestra Filarmonikoa edo Malagako Orkestra Filarmonikoa. Halaber, Clemens Schuldt, Gabriel Feltz eta Christoph Poppen bezalako zuzendariekin aritu da. Era berean, ganbera musikaren intimitateak ikuspegi guztiz berriak zabaltzen ditu. Musika egiteak, adibidez, Martha Agerich, Viviane Hagner, Kian Soltani, Vivi Vassileva, Frank Dupree, Mario Härig edo Schumann eta Novus laukoteekin batera, eta Luzernako Jaialdia, Gstaadeko Menuhin, Klosterseko Musika Jaialdia, Schleswig-Holstein-eko Musika Jaialdia, Berlingo Young Euro Classic, Mecklenburg-Vorpommern edo Bratislavako Musika Jaialdia bezalako jaialdietan, esanahi berezia dute berarentzat.
Barragánek Prix Credit Suisse Jeunes Solistes saria jaso zuen 2013an, eta urte berean Luzernako Jaialdira gonbidatu zuten. Nazioarteko lehiaketa ugaritan saritu dute; hala nola ARD Music Competition, 2012an, Espainiako Musikari Gazteak, 2011n, eta European Music Competition for Youth (EMCY), 2011n. Barragánek Madrilgo Reina Sofia Goi Mailako Musika Eskolan ikasi zuen, eta, ondoren, Matthias Glander izan zuen irakasle Berlingo Barenboim-Said Fundazioan. 2009an, Basileako Musika Akademian, François Bendaren eskola magistralak jaso zituen. Era berean, Martin Fröst, Charles Niedich eta Dimitri Ashkenazyren eskola magistralak jaso ditu. Pablo Barragán Backun Clarinets taldeko artista da eta Backun Lumière klarineteak soilik jotzen ditu. D’Addario & Silversteinen ordezkari eta Andaluziako Gazte Orkestrako irakasle gisa, eskola magistralak ematen ditu bere herrialdean talentu gazteak sustatzeko. 2020tik, Pablo Barragán klarinete irakaslea da Barenboim-Said Fundazioan.
