Simon Leek argazkigintza, bideoa, performancea eta instalazioa lantzen ditu. Haren lana honela definitu dute: “historiaren ausazko fluxuaren metafora indartsua eta teknologia baxuko tour de force formala” (Holland Cotter, New York Times). Lilura eragiten diote egunerokotasunaren behaketak, cinéma verité filmatzeak, aurkitutako milaka argazki bildumatzeak eta aktoreekin lan egiteak, eta horrek guztiak haren obra elikatzen dute. Leeren proiektuen artean, pantaila anitzeko zuzeneko antzerki emanaldiak, espazio publikoetan egindako ad hoc emanaldiak, kanal bateko edo biko filmak, eta instalazio eskultorikoak daude.
Algis Kizysekin lankidetzan egin zuen Where is the Black Beast? filma Rotterdameko Zinema Jaialdiko sail ofizialerako hautatu zuten, eta nazioarteko bira egin zuen. Eve Sussmanekin batera egin dituen obren artean hauek aipatu daitezke: No food No money No jewels, Troyko (New York) EMPACen enkargua; CollusionNoCollusion, film bat eta zuzeneko performance bat San Petersburgon (Errusia); Car Wash Incident, kanal anitzeko instalazio bat, misterio bakarzale gisa aurkezten dena; eta What Lies Behind, telefono bidezko elkarrizketa publiko nonahikoa abiapuntu hartzen duen performance/instalazioa. Antzezleek gezurti ospetsuen bakarrizketak “bideratzen” dituzte, arte azoka baten barruan dagoen bizartegiaren atzean ezkutatutako kontrol eta zaintza gela batera transmitituta. All the reporters laughed and took pictures… performance piezaren aurreko iterazioek ahozko hitzen koruak erabili zituzten espazio publikoan esku hartze narratiboak sortzeko.
Leek espazio hauetan egin ditu erakusketak: Brooklyn Museoa, Berkshire Museoa, Roebling Hall (New York), Moskuko Nazioarteko Zinema Jaialdia, Montrealgo Arte Garaikidearen Museoa, Poznango Bienala (Polonia), BRIC Rotunda Gallery (Brooklyn, NY), Tinguely Museoa (Basel, Suitza), Espace Paul Ricard (Paris) eta Whitney Museoa (New York). Eve Sussmanekin batera, Wallabout Oyster Theatre sortu zuten Leek, Brooklyneko estudiotik zuzendutako ad hoc antzezpen gunea.
