Iruñeko 72-22 Topaketak
Nazioarteko kultura eta hausnarketa topaketa da, mundu garaikidearen erronka konplexuei eta arazo sozial presakoenen azterketari buruzkoa. Pentsamendua, arteak, literatura eta musika, aztertzeko tresna bihurtu dira, betiere elkarrizketatik abiatuta, munduko pertsona ospetsuenek parte hartuta eta arte proposamen ugari eginda, mundu garaikideak proposatzen dituen forma berriekin bat etorriz.
Zergatik Topaketaberri hauek?
Iruñeko 1972ko Topaketen 50. urteurrena gogoratu nahi da Iruñeko 72-22 Topaketekin. Nolanahi ere, oroitzapen ospakizun handia izateaz gain, helburua da abiapuntu bat ezartzea, gure komunitatearen dimentsio kultural berri bat ekarriko duena modu iraunkor eta berritzailean, baita eraldatzailean ere, dimentsio etikoa eskaintzeko eta herritartasun kritikoa bultzatzeko gai izango dena.
Zenbateko garrantzia izan zuten 72ko Topaketek?
1972ko udan izan ziren Iruñeko Topaketak, nazioarteko abangoardiako jaialdia, eta Espainian publiko orokorrarekin lotutako arte gertakari nagusitzat hartzen da oraindik ere.
