Elena López Riera (Orihuela, 1982) zinema-zuzendaria, Ikus-entzunezko Komunikazioan doktorea eta irakaslea da. 2009an “Lacasinegra” izeneko ikus-entzunezko kolektiboa sortu ostean, autore-zinemaren arloan nazioarteko ospea lortu zuen Pueblo (2015), Las vísceras (2016) eta Los que desean (2018) film laburrekin; azken horrek Urrezko Lehoinabar entzutetsua irabazi zuen Locarnoko Zinemaldian. 2022an Canneseko Zinemaldian estreinatu zuen bere lehen film luze txalotua, El agua, eta 2024an zinemagintzan zuen garrantzia berretsi zuen Las novias del sur film labur dokumentalarekin, Goya sarietarako izendapena lortu baitzuen. Gaur egun, sorkuntza- eta ikerketa-lanetan dabil Genevan eta Parisen, eta irakasle da Genevako HEADen eta Donostiako Elías Querejeta Zine Eskola ospetsuan.
