Argazkilari mexikarra da, nazioartean ezaguna. 1969an, Mexikoko Unibertsitate Autonomoko Centro Universitario de Estudios Cinematográficos zentroan sartu zen. Han ezagutu zuen Manuel Álvarez Bravo argazkilaria, eta, ondoren, bere laguntzaile izateko gonbidapena egin zion.
1971tik gaurdaino, bere obra banakako laurogeita hamar erakusketatan baino gehiagotan eta erakusketa kolektibo askotan izan da ikusgai Amerika, Europa eta Asiako argazkilaritza moderno eta garaikidean espezializatutako museo, galeria eta erakundeetan. Bere lana hainbat herrialdetan argitaratu eta erreproduzitu da, liburu monografikoetan eta genero liburuetan, katalogoetan eta aldizkarietan.
Bere lanari buruzko hainbat kritika eta literatura testu idatzi dira. W. Eugene Smith saria eman diote, bai eta Pariseko Argazkilaritza Hilabetearen Sari Handia, Japoniako Hokaidoko Sari Handia eta Frantziako Arles Hiriko Saria ere.
2008(e)(a)n, bere obrari argazkilaritzako aintzatespen handiena egin zioten, Hasselblad Funsazioaren saria eman baitzioten. 2014an, Mexikoko Kultura eta Arteen Kontseilu Nazionalak omenaldia egin zion bere obrari Arte Ederren Jauregian eta urte horretan Infinity saria eman zion International Center of Photography erakundeak, bere ibilbideagatik.
Berriki, National Museum of Women in the Arts (Washington) erakundeak Lifetime Achievement Award for Excellence in the Arts 2020 saria eman zion eta Outstanding Contribution to Photography Award 2021 saria eman zion Sony World Photography erakundeak.
Argazkia © Marco Delogu
