Artista, irakaslea eta ikertzailea.
UPV/EHUko Arte Ederretako Fakultateko Eskultura eta Arte eta Teknologia Saileko irakasle titularra da. Bitarteko berrien esparruan lan egiten du, eta poetika oso bat eraiki du gorputz teknologiko eta digitalaren inguruan. Hartan, gizakiaren eta makinaren arteko lotura saihetsezinari heldu dio Araujok, besteak beste La 3ª ley de Clarke (2008), Ehime Daruma (2013), Turba (2014), The Trained Particles Circus (2018) eta Analemma (2023) izenburuko instalazioen bidez; edo ikuspegi sintetiko propio baten bilaketaren bidez; horien artean aipatzekoak dira Angels, Tribute to Giordano (2015), Terra Nullius (2018) eta Report on the Empyrean (2021). Nazio mailako eta nazioarteko arte ekitaldietan egon dira ikusgai egile honen lan egiazki balioetsiak. Aldizkari espezializatuetan argitaratu dute egilearen ikerlan teorikoa.
