Kanaria Handiko Las Palmaseko Kontserbatorioan hasi zen biolina ikasten, eta Gonçal Comellasekin jarraitu zuen Bartzelonako Lizeoko Goi Mailako Kontserbatorioan. Nota oso onak atera zituen.
1992. urtean, Yaleko Unibertsitatean (AEB) “Master of Music” eta “Artist Diploma” ikasketak egiteko beka bat jaso zuen, eta Erick Friedman biolin jotzailearen eskolak ere jaso zituen. Beka bat jaso zuen Yale-ko harizko laukote egoiliarreko kide izateko, eta Tokio String Quarteteko irakasleen eskolak jaso zituen.
Hainbat sari eskuratu ditu, hala nola “Mostra de Música de Cámara de la Generalitat de Catalunya”, “Concurs Germans Claret” eta “Concurs de Cambra Sofía Puche” lehiaketetan.
Profesional izanik, Bartzelonako Palau de la Música Catalanako Ganbera Orkestrako kontzertinoa izan zen eta, batzuetan, solista. Ameriketako Estatu Batuetako hainbat talderekin jo izan du, hala nola Philharmonia Orchestra of Yale, musika garaikideko ensemble “New Music New Haven” eta “Yale Chamber Players”. “Trio Gerhard” hirukoarekin egindako grabazioez gain (Enrique Granados, Xavier Monsalvatge eta Roberto Gerhard-en ganbera musikaren integralak “ Discoby” eta “La Ma de Guido” diskoetxeetarako), Nimbus, Elkar, Harmonia Mundi eta Crystal Records diskoetxeetarako ez ezik, irrati eta telebistarako ere grabazio ugari egin ditu.
Gaur egun, kontzertinoa da honako talde hauetan: “Grupo Enigma” Zaragozako Auditoriumeko Ganbera Orkestra, “Espacio Sinkro”, “Plural Ensemble” eta “Laboratorio Klem”. Gordan Nikolic-ek zuzentzen duen “Bandart” ganbera orkestrako kide da.
Arlo pedagogikoari dagokionez, ikastaro ugari eman ditu Espainia osoan, eta Gasteizko “Jesús Guridi” Kontserbatorio Profesionaleko irakasle da, oposizio bidez.
