Vanessa Alexandra Vargas Roldan venezuelarra da, doktorea, dantzaria, koreografoa, performerra, ikertzailea eta gizarte-komunikatzailea. Mugimenduaren praktikaren, arte bizietako ikerketaren eta dantza eta performanceari buruzko idazkera kritikoaren artean dabil haren lana. Vargasen ikerketa-lanak Venezuelako arte biziak jorratzen ditu afektuen teoriatik, artxibotik eta erakundeen ertzetan garatutako praktiketatik abiatuta, ikuspegi kokatu eta sentikorretik betiere. Hamar urtez New Yorken bizi izan zen, non dantzari eta performer gisa lan egin zuen eta MoMA eta Brooklyn Museumekin kolaboratu zuen hainbat artistari lotutako erakusketa eta aktibazioetan, Cecilia Vicuña, Lygia Clark, Yoko Ono eta Simone Forti, besteak beste. Vargasen praktika artistikoak gorputzaren, memoriaren, migrazioaren eta lankidetzaren arteko harremanak aztertzen ditu, eta proiektu koreografikoetan, irakurketa performatikoetan eta transmisio-espazioetan hartzen du forma. 2024tik 2025era bitartean, ikerketa-egoitza bat egin zuen MACBA museoko Centre d ‘Estudis i Documentació zentroan. Gaur egun, Bartzelona eta beste sorkuntza-testuinguru batzuen artean egiten du lan, diasporari, harreman-poetikei eta memoria gorpuztuei erreparatuz.
- 2026 Edizioa, Bideratzaileak 26
